By informohushqip 
Sipas dokumentacionit të rastit, automjeti është regjistruar më 4 gusht 2026, në orën 15:44, në autostradën A10, në segmentin Salzburg – Salzburg Süd/Anif.
Shoferi e kishte blerë vinjetën në orën 16:01, pra rreth 17 minuta pasi ishte regjistruar nga sistemi automatik i kontrollit.Rregullat e ASFINAG kërkojnë që vinjeta të jetë e vlefshme para se automjeti të hyjë në një segment autostrade ku ajo është e detyrueshme. Blerja e saj më vonë nuk mbulon përdorimin e mëparshëm të autostradës.
Segmenti A10 pranë Salzburg Süd/Anif nuk bën pjesë në përjashtimet nga detyrimi për vinjetë.Nga 1 janari 2026, tarifa zëvendësuese për automjetet deri në 3.5 ton është rritur në 200 euro. Në këtë rast, kërkesa përbëhej nga 166.67 euro bazë dhe 33.33 euro TVSH.Kjo shumë nuk konsiderohet gjobë klasike administrative, por tarifë zëvendësuese, e njohur si “Ersatzmaut”.
Nëse tarifa nuk paguhet brenda afatit, rasti mund të kalojë në procedurë administrative, ku gjoba për përdorimin e autostradës pa pagesën e duhur mund të arrijë nga 300 deri në 3,000 euro.Shoferët që udhëtojnë nëpër Austri duhet të kenë kujdes që vinjeta të jetë aktive para hyrjes në autostradë, pasi edhe një diferencë prej vetëm disa minutash mund të jetë e mjaftueshme për t’u ngarkuar me tarifë. /Urgjent.com/