Në sezonin e tretë të “Big Brother Vip Kosova,” drama dhe tensionet midis banorëve janë në kulmin e tyre.
Një episod i fundit ka bërë bujë në rrjetet sociale, ku Drenusha Latifi dhe Bay T akuzojnë banorin tjetër, Besfortin, për përdorim substancash në dhomën e rrëfimit.
Në një video të publikuar ne rrjete sociale, Drenusha pretendon se ka parë tre lloje të substancave në dhomën e rrëfimit, duke aluduar se ato ishin destinuar për Besfortin. Kjo deklaratë ka shkaktuar reagime të shumta nga publiku dhe fansat e show-t, duke rritur dyshimet për sjelljen e tij.
Bay T, e cila ka qenë gjithashtu në qendër të skenave të tensionuara, e mbështet Drenushën duke theksuar se shqetësimet e saj janë të arsyeshme. Ajo shprehet se ka vërejtur ndryshime në sjelljen e Besfortit, të cilat përkojnë me episodet e tij të konsumit të alkoolit dhe spekulimeve për përdorim substancash.
Edhe në një video tjetër këngëtari Gjesti dhe banorja Xheneta i thonë Besfortit se e ka lëshuar nikotina ndërsa vazhdojnë ta përqeshin duke thënë se po i dridhet trupi duke aluduar se ka mbetur pa substanca.
Reagimet në rrjetet sociale janë të shumta, me fansat që diskutojnë mbi etikat dhe pasojat e akuzave. Disa e mbështesin Drenushën dhe Bay T, ndërsa të tjerë shprehin shqetësim për ndikimin e mundshëm të akuzave në reputacionin e Besfortit.
Në një reality show si “Big Brother,” ku çdo veprim kapet dhe diskutohet gjerësisht, kjo situatë do të ketë pasoja të ndjeshme për dinamikën e grupit dhe për audiencën, e cila është gjithmonë në pritje të dramave të reja. Tani mbetet të shihet se si do të reagojë Besforti ndaj këtyre akuzave dhe si do të ndikojë kjo në zhvillimin e ngjarjeve në shtëpinë e Big Brother-it.
Ndryshe, edhe në edicionin e kaluar të Big Brother Vip Kosova, Policia kishte hyrë brenda shtëpisë së BBVK pikërisht për dyshimin për substanca./InfoKosova/
Shiko videot:
